Consellos para a elaboración dos nosos proxectos web

Tipografía:Mellor utilizar as minúsculas que as maiúsculas.

1. Canto máis grande sexa a letra, maior ten que ser o interlineado.
2. Cada tipo de letra ten a súa personalidade, por tanto, debemos utilizar a que mellor se adapte a nosa idea.
3. Que o fondo da páxina non dificulte a lectura.
4. Se a resolución do monitor é baixa é mellor utilizar as de palo seco, aínda que fagan o texto monótono. Para evitar esta monotonía utilízanse os titulares, o interlineado, a alineación, as cores...

Elementos da comunicación visual:

1. As cores teñen que ser as adecuadas ao tema que tratemos e adaptarse á paleta de 216 cores, que é a paleta web.
2. Os filtros son un tema a ter moi en conta.
3. Segundo o tema a tratar, debemos ter en conta a forma dos elementos constitutivos da nosa páxina.
4. Se non queremos que a nosa páxina sexa unha "merda" as cores non poden ser rechamantes.
5. Cada páxina debería ser un TODO. Se modificamos un elemento hai que adaptar o resto da páxina a ese cambio.

Un saúdo compañeiros!!!

Dúbidas

Os membros do noso grupo estivemos a ler os arquivos da carpeta de documentación e da subcarpeta temas e temos unha serie de dúbidas que nos gustaría despexar:

1. ¿Vai a haber un exame de todos estes arquivos?
2. En caso afirmativo, ¿temos que sabernos de memoria tódalas ferramentas das redes sociais?
3. Existe algunha páxina web onde poidamos utilizar facilmente tódalas ferramentas de Google?
4. ¿Que arquivos comprime o formato mp5?
5. ¿Que é un mapa web?

De momento, cremos que chegan estas propostas e conforme vaiamos avanzando con estes temas e co noso tema de debate formularemos máis dúbidas.

Moitas grazas e un saúdo.

O xevimetal galego está de noraboa

E dicimos isto porque o noso proxecto web para a asignatura de Deseño Gráfico vai versar sobre o grupo de música Maldia.

O noso primeiro esbozo temático non tivo moi boa acollida así que decimos inclinarnos por un produto web máis conciso pero non por iso máis sinxelo. A idea é a de elaborar unha auténtica páxina web oficial do grupo. Nela poderemos atopar cancións e videoclips do grupo, unha axenda cos seus concertos, novidades do grupo e moitas outras cousas. Aínda estamos a pensar ben como vai a ser todo pero xa temos as ideas claras e xa sabedes: se se vos acurre algunha cousiña que poida ser interesante facédenolo saber.

Graciñas!!!

Guión sobre o noso traballo de Grafismo en televisión

Introdución: Na introdución vamos a tratar de dar unha definición clara e concisa do concepto de grafismo en televisión, servíndonos como texto de apoio, entre outros, o traballo de Miguel Churruca “El futuro del grafismo en televisión”.

Obxectivos:

· Comprender e facer comprender aos nosos compañeiros o concepto de grafismo televisivo.

· Diferenciar entre o grafismo para televisión e outras tipoloxías de grafismo.

Desenvolvemento:

· Cos seus antecedentes trataremos o tema do nacemento e da evolución do grafismo na televisión.

· Servirémonos de exemplos gráficos extraídos directamente de contidos televisivos.

· Centraremos o noso traballo na televisión nacional pola cercanía desta, xa que o elevado número de cadeas televisivas mundiais impide unha análise pormenorizada de todas elas nun traballo destas características. Simplemente como anécdota tiraremos algúns exemplos moi destacados de televisións estranxeiras.

· Diferenciación de grafismos segundo o tipo de programa (informativo, entretemento, ficción…)

· Diferenciar tipos de grafismos televisivos.

Conclusións: A principal conclusión deste traballo é deixar claro os obxectivos que marcamos ao inicio. Ademais gustaríanos sacar conclusións acerca da utilidade do grafismo na televisión e de porque é unha corrente tan utilizada nos nosos días.

Para rematar deixaremos uns minutos para respostar cuestións que nos formulen os nosos compañeiros acerca do grafismo na televisión.

Por favor compañeiros, se tedes algunha idea sobre este tema que nos poida interesar ou algunha mostra de grafismo que consideredes a ter en conta, facédenolo saber. Graciñas!